Ipad e prezo dos ebooks Posted on Febrero 25th
Apareceu a competencia para o famoso Kindle de Amazon, a librería virtual máis grande do mundo.
Jeff Bezos, máximo accionista do xigante norteamericano, apostou hai xa 
meses por un modelo de negocio baseado na venda de libros electrónicos a un prezo único (9,99 $), e chegou para iso a acordos coas empresas editoriais aínda a sabendas de que Amazon non obtería grandes beneficios, máis ben todo o contrario, a curto prazo.
Interesáballe popularizar o seu produto, un Kindle que xa vai pola súa segunda versión, e converterse en líder dun mercado emerxente.
Pero chegou Steve Jobs e o seu revolucionario Ipad, coa esperada noticia de que Apple ten pechados acordos con algúns dos máis importantes grupos editoriais para a venda a través da aplicación IBookstore. O vendedor obterá un 30% do PVP, prezo que fixará o editor (a quen Amazon si lle permite negociar o mesmo) e que segundo se anunciou en inicio podería estar, para as novidades, entre 12,99 e 14,99$.
E dicimos en inicio porque as últimas informacións que nos chegan din que a empresa de Jobs non descarta rebaixar o prezo fixzado polo editor para favorecer que o produto sexa máis competitivo. Refírese ás novidades, claro.
Semella por tanto, e salvo que esta prerrogativa de Apple non se convirta na regla, que a competencia non só non vai provocar unha rebaixa nos prezos senón que aumentará os mesmos.
As reflexións, dúbidas e estudos sobre o prezo dos ebooks veñen sucedéndose nos últimos tempos. A chegada do Ipad non fará máis que enriquecelas e quizais determinar o futuro.
Estaremos ao tanto e dende aquí informaremos.
Trackback URL