Xa tardou! Posted on Febrero 25th
Un clásico fabricante de xoguetes e material infantil anuncia para o próximo verán a comercialización dun lector de libros electrónicos para nenos de entre 3 e 6 anos.
O novo lector distribuirase coas seguintes aplicacións: contos animados, reprodutor de xogos, libro de notas, estudo de arte, reprodutor de música, e mesmo álbum de fotografías.
Ao igual que asistimos á rápida popularización da telefonía móbil entre preadolescentes, asistiremos sen dúbida á xeneralización de aparellos de lectura en franxas de idade nas que aínda se está en proceso de aprendizaxe nos dous ámbitos: lectura e escritura. E pode que por esto último xurda algunha protesta e opinións encontradas. Aos profesores de hoxe, mesmo aos máis novos e adaptados ás novas tecnoloxías, cústalles pensar nun futuro no que os cadernos de caligrafía (o clásico Rubio) desaparezan e deixen paso a lápises e pantallas dixitais nas que os cativos escribirán as súas primeiras vocais. A idades algo máis avanzadas, metidos de cheo na Primaria, ensinan a facer blogs, a utilizar as novas ferramentas e a explorar a rede a eses auténticos nativos dixitais que con escasos tres aniños sabían xa manexar un ratón case de xeito instintivo, pero de aí a que os mestres renuncien aos cadernos, aos bolis e os lápises de toda a vida para aprender aos nenos a trazar letras por primeira vez hai un bo cacho. O de sempre é un sistema claramente eficaz, e xa sabemos que todo o novo asusta e xenera rexeitamento.
En todo caso, e atentos ao que ha de pasar no ámbito académico, non temos dúbida de que eses ansiosos país adictos á tecnoloxía non tardarán en adquirir para os seus cativos, «os máis modernos», un lector electrónico.
Trackback URL