28 de maio: o “Día do iPad” Posted on Mayo 27th
O xa familiar iPad, aínda que pareza mentira, estará dispoñible en España a partir de mañá, venres 28 de maio. E dicimos “aínda que pareza mentira” porque o certo é que a nosa sensación é a de que leva moito tempo xa entre nós, grazas, primeiro, á perfecta campaña de promoción oculta (rumores e máis rumores) á que nos ten afeitos Apple (e estamos falando de finais do ano pasado) e, despois, ao relato das experiencias, dos pros e contras atopados e da funcionalidade de cara á lectura (que é o campo que nos interesa) que fomos coñecendo nestes meses.
Non sabemos se será finalmente o revolucionario produto que agarda (ou teme) a industria editorial de cara ao definitivo despegue do libro electrónico, pero, en calquera caso, a curiosidade por probalo xa está xerada. Compartimos experiencias?
Eu coido que é un “timo” existen produtos de mellores características e mellor prezo, e poño timo entre aspas por mor de que non apuntan a ninguén para mercalo…o problema é que eles ben saben que no fondo somos compulsivos. Saúdos
Commented An on Mayo 29th, 2010.